يجوز لسه الأمل موجود
يجينا اليوم ...ونتلاقى
وأشوف حلمي اللي ماله حدود
قمر
في عنيكي بتشاقى
عبيرك
لسه جوة القلب ..ساكن
رغم طول بعدك
وإيه الدنيا من بعدك؟!
شريط حكايتنا قدام عيني بيعدي
وبالتفاصيل
أشوف فيه الأمل زايد
وأشوف فيه المرار زايد
يصحيه خوفنا من بكرة
أشيل ليله .. وأسيب ضله
وأشيل منه المرار كله
وأسيب الحلو للذكرى
هناك ٧ تعليقات:
السلام عليكم
الأمل لسه موجود
مش عارفه أقولك أيه كتاباتك جميله اوى وطالعه من القلب وطريقتها سهله أوى
ربنا يوفقك عندك موهبه حقيقه
تحياتى
أنا كنت أول تعليق الحمد لله هييييييه
بس الآوله بـــــــــــــلدى
حياة الأحلام .. أول تعليق في البلوج الجديد بتاعي
بالتأكيد أنا مش ممكن أنسى ده
الحمد لله ان كتابتي عجبتك .. وان شاء الله الجاي يعجبك أكتر
كل سنة وانتي طيبة
كلام جميل وكلام معقول مقدرش اقول حاجة عنه..الأمل موجود والأماني موجودة والأحلام موجودة بردو بس ياترى حتتحقق؟ياريت
أمونة
نورتي مدونتي
يا رب تعجبك البوستات كلها
ويا رب الأمل يفضل موجود عاى طول
السلام عليكم ورحمة الله وبركاته
طول ما الأمل موجود
هيفضل جونا صوت يقول
الماضي يمكن فات ومات
لكن الأكيد الجديد
هيكون أحلى
طول ما أحنا جوانا أحلى وأحلى
أنت عارف إن طول عمري بحب كلامك وكتاباتك
بس طبعاً عارف إني بحب أسمعك أكتر
أديك دبست نفسك ولازم أسمعها منك مع طبعاً باقي الجديد
وخاصة أني مشتاقة أسمع قصيدتي الحبيبة .....
خليها سر بيني وبينك
شوق القمر
يا جميل هأسمعك كل اللي تطلبيه
منوراني كالعادة
المهم لما تسمعي القصيدة هتعزميني على
وكل سنة وانتي أجمل
كل سنة والدنيا كلها بخير
إرسال تعليق