البلد مخنوقة حبة
فجأة زاد الفقر حبة
يعني زاد القهر حبة
واللي سارقيين غابوا عنها
واللي فاضلين الأحبة
*
*
مطحونين بالعمر يآبه
منقوعين ذل وكآبة
مين هيبقى للغلابة
والحرامي بيستخبة
البلد مخنوقة حبة
*
*
كل يوم بيزيد في نارك
وانت مش واخد بثارك
والملك لو كان" مبارك"
مش هينفعها الأطبة
البلد مخنوقة حبة
*
*
اللي باع الأرض ناقص
واللي باع العرض ناقص
لسه هيعذب في روحنا
اللي عاللي ف جيبنا باصص
البلد مخنوقة يابا
البلد مخنوفة خالص
هناك ٢٠ تعليقًا:
فل الكلام ده يا ريس
السلام عليكم
دى أول زياره ومش هتكون أخر زياره
بجد كلام جامد جداجدا
وما شاء الله عليك عندك موهبه حلوه جداجدا فى الكتابه وطريقه ساخره جميله
بجد بوست حلو أوى
والبلد مخنوقه خاااااااااااااااالص
بس الصبر مفتاح الفرج
تحياتى ونورت مدونتى
البلد مش مخنوقة حبة واحدة ..دي حبااااااات
وفعلا الملك لو كان مبارك..مش هاينفعها الأطبا
كلامك رائع وموزن تحياتي
ورمضان كريم
ايه الحلاوة دى
يادكتور حندولة
بجد كلمات هايلة
اسعدتنى زيارتك لمدونتى ياباشا
واتمنى ان هيا تتكرر
كلام جميل بس مش حبة واحدة دى الناس مخنوقة خالص حبببببببببببببببات
كل سنة وانت طيب
كل سنة وانت طيب والامة الاسلامية بخير
مش هتكون اخر زيارة ليا لانى المدونة حلوة اوى
تحياتى
كل عام وانت وكل الناس بخير
كلامك جميل جدا ومعبر جدا ... موهبة وإبداع، في انتظار جديدك
سلام عليكم
ما شاء الله البوست دة و اللي قبله حلوين أوي.
المعنى بيوصل بسهولة شديدة و السخرية الموجودة فيه بتوصل... بس في نفس الوقت اسلوب الكتابة بسيط أوي و مش متكلف. بجد أهني حضرتك... و استمر "لو دة يعني أول بلوج حضرتك تعمله"
Good Luck :)
ايه الكلام الجميل ده يا د حندولة
بس بصراحة هى البلد زى مانت قلت فى الاخر
مخنوقة خالص
مش حبة ابدا
حبة ايه يا راجل حرام عليك
حياة الأحلام نورتيني
شكرا على كلامك الجميل
ويا رب يكون البوست بجد عجبك
ويا رب تيجي تاني
كل سنة وانتي طيبة
dr.roufy
الله أكرم
كل سنة وانت طيب
ويا رب كتاباتي دايما تعجبك
السلام عليكم
كلام جميل وكلام معقول مقدرش اقول حاجه عنه ويارب ينجد بلدنا من الذل والفقر ونبقى احسن بلد فى الدنيا
اللهم امين
وكل سنه وانت طيب يادكتور
مواطن زهقان
بم إنك زهقان يبقى أكي هنتقابل
كل سنة وانت طيب
نورتني
ويا رب تعجبك بوستاتي
عصفور
كلنا مخنوقين ... ربنا يفك أسرنا
قول يا رب
نورتني
كل سنة وانت طيب
ملك
الحمد لله ان المدونة عجبتك
نورتيني ومستني تنوريني تاني
كل سنة وانتي طيبة
أمونة
متشكر جدا على زيارتك
نوتيني بجد
وإن شاء الله الجديد قريب
كل سنة وانتي طيبة
wish i was a butterfly
دي فعلا المدونة الأولى فعليا
كانت ليا مدونة من سنتين تقريبا بس ما كنتش منشطها
يا رب كل اللي أكتبه يعجبك
والحمد لله ان البوستات عجبتك
كل سنة وانتي طيبة ومستني زيارتك الجاية
تخاريف دكتور
ماهي زي ما انت قلت كده .. أنا قلت في الآخر إنها مخنوقة خالص
ربنا يفك خنقتنا وياخد اللي ف بال الناس كلها
كل سنة وانت طيب
سوكا
كل سنة والدنيا كلها بخير
كل سنة واحنا متخلصين من اللي احنا فيه
المدونة نورت
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
إرسال تعليق