خلاص ماشية؟
وسايبانى مع الذكرى
أداوى البعد بالحرمان؟
وسايبانى فى ليل قاسى ما بيعديش
وجرح كبير ما برحمنيش
وعمر بيجرى مايهديش
وقلبى مش معابا كمان !
*
*
خلاص ماشية؟
وبتقولى انى مش فارس
ولا قبطان؟
ومش قادر أعدى بمركبة حبى
فى وسط بحور من الأحزان؟
ومش قادر
أطير فوق الحصان الأبيض
وأهد السجن والسجان؟
وأخطف بسمتك منهم
واسيب كل الدموع بينهم
ولو كان يرفض السلطان؟
أنا شاعر ما ليش أساطير
ولا عنديش حصان بيطير
فقولى زى ما تقولى
ولا يهمك
وصبى فى الوريد همك
هتلقى القلب
رغم الجرح
وسط الزحمة بيضمك
*
*
خلاص ماشية؟
ما تنسيش تاخدى وياكى الصور والشعر
وبصى بس فى الصورة
هتلقى القلب عاش فيها
عشان خاطرك
رسم كل الحياة فيها
كسر كل السدود فيها
بنى الدنيا اللى كان مستنى طول عمره
ف عيونك بس يبنيها
ولما حس بالحلم اللى عاش جواه
كسرتيه لما خدتيها
*
*
خلاص ماشية؟
باعتلك ويا أحلام البشر ... بوسة
باعتلك ويا طير الحب
فوق غصن الشجر... بوسة
باعتلك ويا نور الشمس 100 بوسة
ودقة قلب
بقولك فيها .... لسه باحب
ولو كان بعدى عنك صعب .... هيعدى
ما عدى ف حبى مليون صعب
سفينتى تايهة فى بحورك
وبتدور على المرسى
ونور القلب من نورك
ومهما تغيبى............ مش هانسى
هناك ٥٢ تعليقًا:
السلام عليكم
سعيده أنى اول واحده أعلق
رمضان كريم
بوست جميل وفعلا الحب حاجه مش سهله تتنسى او تعدى بالساهل عند اللى بيحب بجد الحب الحقيقى انما اللى بيحب وخلاص ده ممكن ينسى يومهيا
بيدل انك أنسان بتحب حب حقيقى
وبجد عبرت عن الحاله بكلمات بسيطه اوى وصلت المعنى حلو جداجدا
موهبه جميله ودايما بوستات أحسن وأحسن
تحياتى
حياة الآحلام
أنا كمان سعيد جدا إنك أول حد يعلق على البوست
الحمد لله ان الحالة وصلتك ... وما فيش أي حب حقيقي ممكن يتنسي ... مهما كانت الجراح ... ومهما كانت أسباب البعد
نورتي مدونتي ... ويا رب تنوريها دايما
ماشاء الله شاعرة مميزة
بالتقدم دائما
تحياتى
الحب مواجهة كبرى إبحار ضد التيار... كل سنة وانت طيب
خلاص ماشية؟
بوست جميلة يا دكتور
هكذا الدنيا لقاء وفراق يعترينا
مشكور يا دكتور
وكل عام وانت بخير
حرية الفكر والابداع
متشكر قوي ...
بس على فكرة أنا شاعر مش شاعرة ..
أنا إبراهيم حندولة
رمضان كريم
الأستاذ
وانت طيب
نورتني
القلم السكندري
نورت المدونة كلها
الحمد لله إنها عجبتك
وإن شاء الله الجاي يبقى أجمل
كل سنة وانت طيب
ميرسي يا مستر حندوله ع الكومينت بتاعك ...
انت اول حد يكتب لي و اظن كمان انك اول حد يقرا اي حاجه عندي او تاني حد
ميرسي قوي كللك زوق
nivorsy
كل سنة وانتي طيبة
أنا مش بأعلق إلا على الحاجة اللي تشدني
وإحنا ما نعرفش بعض قبل كده .. يعني حتى شبهة المجاملة مش موجودة
كل سنة وانتي طيبة ونورتي مدونتي
Very good posting, thank you!
جمال عبد الناصر,
15/1/1918/ - 28/9/1970
The Great, Gamal Abdel Nasser
جميل جدا شعرك يا دكتور ابراهيم
واحساسك فوق الممتاز
انا قريت التدوينه دى
وانشاء الله ساحاول قراءه باقى المدونه لانى لاحظت انها مدونه شعريه مما استهاونى الى اضافتها
مدونة جميلة حقيقى .. و البوست رائع .. دائما الحياة تلاقى و افتراق
تحياتى لك و كل عام و انت بخير و لله اقرب و على طاعته أدوم
david santos
شكرا على وجودك في المدونة
وأنا سعيد جدا إنها عجبتك
نورتني
ونورت المدونة
كل سنة وانت طيب
بهلول
شكرا على الاضافة
وشكرا على وجودك في المدنة
المدونة نورت
كل سنة والأمة الاسلامية كلها بخير
فوضى الحواس
الأجمل وجودك في المدونة
يا رب تعجبك على طول
ويا رب تكون كل أيامك سعادة وفرح
ورمضان كريم
بوست جميل جدا
اعتقد انه ما بقاش في حد بيحب كده
الكلام ده كان زمان
el_assel
كل سنة وانت طيب
متشكر على الكومنت ده
لكن الحب هيفضل طول عمره كده
الحب هو الحب
أدعوكم لإبداء الرأي في فوازير رمضان الشعريه(خلق وصحابي)للشاعر وليد الرفشي
ولا تنسوا
1-المشاركه
2-إبداء الرأي
3-مقترحات
رائعه..بجد
المفروض تكون شاعر مش دكتور
أو دكتور قلب واوعيه دمويه
قلب مليان احساس
وأوعيه يتدفق فيها الابداع
رائعة كلماتك واحساسك رقيق
مع تمنياتي بالنجاح والمزيد من المفاجئات
شعر جميل يا دكتور
بس معلش
اختك بهلوله بتحب تعرف كل حاجه عن اصدقائها
وبما اننا فى بدايه الصداقه
احب ان اسألك
ايه معنى حندوله
لو جاوبت صح تكسب معانا وتشترك فى السحب
هاى دكتور حندوله
ازيك
انا مثلى قوى
دى اول مره ازور مدونتك وعجبتنى بجد
انت انسان رومنسى ورائع
وانا قرات الشعر اللى انت كاتبه
وانا اسف لانك حزين
بس اتمنى انك تعدى مشكلتك على خير
وعلى فكره انا ايضا من المنصوره
اتمنى انك تعدى المشكله اللى انت فيها
وانا اميلى
h_h6497@yahoo.com
هنتظرك لكى نتواصل معا
بس ياريت بعد اذنك تمسح التعليق عشان انا مش عاوز حد ياخذ اميلى اخر
تحياتى لك ويارب تبقا سعيد يارب
اخوك
مثلى قو ى
السلام عليكم
ازيك يادكتور
شعر جميل اوى اوى ورقيق موت
هما فعلا البنات كده عاوزين الشخص اللى يرتبطوا بيه يبقى سوبر
يبقى خارق فى كل حاجه
بس معلش احلام بنات بقى
وربنا يديك الحب الحقيقى اللى يعيش بعبادة ربنا ان شاء الله
ياسر مدني ...دينامو الإخوان
وعليكم السلام ورحمة الله وبركاته
ماشي يا سيدي جيت وحليت المسابقة
كل سنة وانت طيب
أوشه
أسعدتيني بتعليقك جدا
نورتي المدونة
ويا رب أكون عند حسن ظنك دايما
كل سنة وانتي طيبة
الأستاذ
ربنا ما يحرمني منك أبدا
كل سنة وانت طيب
نورتني
بهلوله
أولا كل سنة وانتي طيبة
ثانيا نورتيني ونورتي المدونة والدنيا كلها
ثالثا بقى .. حندولة ده لقب العيلة ... وقالوا إنه أصله تركي ... لكن بالبحث على النت وجدت له فروع في سوريا واليمن والصومال .. ولما سألت عن معناها قالوا معناها "حاجة حلوة" طب مش تبقى حاجة حلوة برده ؟
كالعادة كلمات رائعة منك
تحياااتي
mmthlykaweyy
متشكر قوي على مشاعرك
والحمد لله إن كتابتي عجبتك
كل سنة وانت طيب
ورمضان كريم
حلوه جداااااا
ايه الكلام الجامد ده
كل سنه وانت طيب
يا بختها ياعم
soka
كل سنة وانتي طيبة
متشكر قوي على كلامك الجميل
ويا رب يرزقنا بالحياة الراضية المرضية
ويخلينا على قد أحلام اللي بنحبهم
نورتيني
dr.Roufy
متشكر قوي على كلامك وثقتك
كل سنة وانت طيب
نورت مدونتي ويا رب تنورها دايما
لماضة
كل سنة وانتي طيبة
يا بختها ماشي
طب وأنا
هي مش بتقول أي حاجة من دي
وهي مش موجودة حاليا ... هي مشيت عشان كده كتبتلها ده
سيبك انتي
المهم ان الكلام عجبك
نورتيني ونورتي مدونتي
تسلم على هذا الكلام الجميل والتعبير الرقيق خاصة عندما نتكلم عن دليل وجودنا وسبيلنا للسعادة....الحب
تحياتي لك وللمدونة ولقراءك المحبين لك
Ranoosh
انتي اللي تسلمي على كلامك الجميل
وعلى مرورك الأجمل
نورتيني
ويا رب دايما منوراني
كل سنة وانتي طيبة
حندوله؟
دى الدنيا ضيقه يا جدعان
طبعا انا عارف القصيده دى من زمااااااااااااان
ازيك يا عمنا
كل سنه وانت طيب
فين اراضيك الوقتى؟
محمد الهنداوي
كل سنة وانت طيب
طبعا الدنيا ضيقة يا باشا
أنا موجود بس انت اسأل
نورت مدونتي ويا رب تنورها على طول
كل سنة وانت طيب مرة تانية
خلاص ماشية؟
وسايبانى مع الذكرى
أداوى البعد بالحرمان؟
وسايبانى فى ليل قاسى ما بيعديش
وجرح كبير ما برحمنيش
وعمر بيجرى مايهديش
وقلبى مش معابا كمان !
جميلة اوي
بس عندي نصيحة ليك
داوي البعد بالنسيان مش بالحرمان
تحياتي
خلاص ماشية؟
وسايبانى مع الذكرى
أداوى البعد بالحرمان؟
وسايبانى فى ليل قاسى ما بيعديش
وجرح كبير ما برحمنيش
وعمر بيجرى مايهديش
وقلبى مش معابا كمان !
*
جميل اوي البوست دا
بس عندي نصيحة لو ممكن
داوي البعد بالنسيان مش بالحرمان
تحياتي
sahr
متشكر قوي على تعليقك الجميل
الحمد لله إن البلوج عجبك
والطبيعي نداوي البعد بالنسيان .. عشان كده أنا بأسألها ...إنتي سايباني أداوي البعد بالحرمان .. وده إستنكار
نورتيني
وكل سنة وانتي طيبة
كل سنه وانت طيب
عيد سعيد
كل عام وحضرتك بالف صحة وسلامة
عيد سعيد
sahr
كل سنة وانتي طيبة
عيد سعيد عليكي وعلينا وعلى الدنيا كلها
نورتيني ويا رب منوراني دايما
حـريــة الــفـكــر والابــداع
وانت بألف صحة وسلامة
ربنا يجعل كل أيامك أعياد
ياللى عرفت الحب يوم وانطوى
اياك تقول مشتاق لنبع الهوى اياك تقول مشتاق لنبع الغرام
دا الحب من داق منه قطرةارتوى
وعجبى
عمر ما قلبك ينساها عشان كانت اكيد كل حاجة فى حياتك ربنا يا رب يهدى الاحوال وترجع كل الايام الحلوة كما كانت وادعى ربنا من قلبك ربنا يعملك اللى فيه الخير يا رب
وخلى قلبك زى ما هو ابيض وحب بصدق وبقلب حقيقى
اولا عايزة اقول ايه الغيبة الطويلة ديه عايزين بوست جديد وعايزين ترجع من الغيبة ديه
ثانيا
البوست حلو وكلماتك حلوة لان الحب مش بسهولة يتنسى وبجد حلوة اوى الجملة اللى كتباتها ومش قادر أعدى بمركبة حبى
فى وسط بحور من الأحزان بجد حلوة اوى مليئة بمشاعر واحساس كبير
تحياتى
القصيده جميله
بس
القصيده اللي قبلها شديده الروعه
بجد
رهيبه
بجد
حضرتك شاعر موهوب فعلا
بص بقي
انت المفروض توفر مناديل باب المدونه
كلام جميل جدا
السلام عليكم
بوست حلواوى ملئ بالمشاعر و الاحساسيس
و البوست الى قبله كمان حلو اوى كلماته روعة
إرسال تعليق